جارتنا السئ النئ part 1

جارتنا بالطابق الثالث من سورية وفففف ... كبيري كتير ما في اكبر من هيك .متجوزة واحد اكبر منها ب25 سنة بس اد ما صارلو زمان هو ببرشلونا عطوه الجنسية وهي كمان معها اقامة ولهذا السبب شايفة حالة كتير ..يعني كتير كتير . انا كنت مفكر ان جوزها غليظ وسخيف اكتر منها بس من كذا يوم وانا عم اسال حالي سؤال صعب ..
مين اغلظ من التاني هي او جوزها ؟
ـ ليك هدول السود اميركانو (الجنوب امريكين) ما بينطاقو الله يقص رأبهم كلياتون ..ليك بلا زوء وبلا ادب وعطول سكرانين وماعم بيخلونا ننام ضجة ضجة على طول .مئرفين وموسخين وعلى طول بوسخو الدرج ..ليك صرنا داهنين الحيطان شي مرتين من وات ما اجو على البناية ..بنايتنا ما كانت هيك
ـ طيب ما انتو عايشين بنظام وعم تدفعو ضرايب للدولة مشان تحميكون ..ليش ما بتحكو مع الشرطة بس يصير في ازعاج ؟ما انتو عايشين بي اوربا مش ب المشبكة . كان هيدا اول سؤال وآخر سؤال .
ـ شو ..شرطة ليش الشرطة فيها تحكي معهن الله يعمي عيونون عمي .ما بينفع معهن شي هدول متل الصراصير .
كمان جارتنا ما بتغير شقتها الي عايشين فيها. اكتشفت بعدين باجتهادي الشخصي ان هدول جماعتنا السوريين بالذات ما في بناية بتساعهون !!

العد صعب بس الوصف اسهل
جارتنا عندها بنت عمرها 5 سنين ..الله يحفظها في عندها ampil fire بي بوزا بيشتغل على كهربا 220 و110 وما في transtor لانه ما بيفقع من لما بتفيق لحتا تنام وهي بضلها اخدة طبقة صوت حادة بتذكرني ب maria cailles بس الفرق انه الاخير بتسكت من وقت لوقت هي وعم بتغني اما بنت الجارة فيمكن بتاكل بلا متسد بوزا ولا تكة يعني !!
يمكن بتنام بعض الضهر يعني من حوالي الساعة 2 ل 5 لانه ما منسمع جعيرها بالهوقت ..بس يا ريت منسمعه ..ولان بالحياة ما في شي ببلاش ..ولانه السوبرانو بتنام الضهر فلذلك بتسهر بالليل .
طيب ولــــــــــــــــــــــوووه انا ما بنام بس انتو ما بتناموا ؟؟؟
من الساعة 12 او 11 بالليل نحنا كل يوم عنا موعد مع سباق الضاحية في الطابق الثالث لانه البنت الله يحفظها من كل شر ..بضل تدبك على راسنا كل الليل ,نحنا طبعا متفقين انه العلم في الصغر كالنقش في الحجر ..بس منشان كل شي في بهالكون بينحب انوه معقول ...انه بتصير يعملو ماراتون الساعة 12 بالليل ؟هيدي لسا ما صارت وما بظن بتصير ...قريبا !!
يعني الواحد اذا بدو يحكي بالعاطفة وبالغربة :
هدول السود اميركانوا المو عاجبين ..جارتنا ..نصون قديسين ونصون الباقي ملايكة وما في احتمال تالت لانه لو ما كانو هيك كانت المشانق منصوبة من كذا شهر على ابواب بنايتنا بالذات !
صرت بفزع بس شي بدي اطلع من البيت لانه جارتنا وجوزا بيحبوا يحكو معي كتير ما بيحبو الحكي عا الناس او شي او كتر الحكي الي بلا طعمه اكيد لا..
بس انا عندي مدرسة وقتي بالغالب مو ملكي,وكمان ما بقدر ضل احكي عالواقف عالقليلي انو الواحد يقعد ويحكي ماكمان الواحد بيتعب ..صحي الطفلة البريئة ما بتتعب من الجري ومن الصريخ ...بس يا اخي الناس مو متل بعض ..ابدا يعني حتى صابيع الواحد مش متل بعض !
جارتنا من سوريا متلي ..وبتحكي سوري كمان بس اكيد تولدا ب الاسكا او غيرن لاند لانها سبور كتير وما بتصبغ شعرها الا اشقر لانو احلى. وهي ما بيعجبها الناس الرجعيين مع انو سمارا وسواد عيونها كاشف اللعب بي شعرها .بس مين الي قال ان الحقيقة بتعجب الناس الاكابر ؟..ما حدى ازا ناطرين الجواب .
ولانها كلاس فهي بترسم ..اي نعم مع انه مش دارسة غير لصف السابع ..بس الموهبة مستحيل تتخبى ,
ـ الفن هو كل حياتي يعني هو مع بنتي بمرتبة وحدة ..
ـ عفوا
ـ الفن التشكيلي .....انا رسامة (( مشى الله )) صرلي برسم فترة من شي 4 شهور ومن وقتها صرت عم بستغرب كيف كنت عيشي من قبل ما بلش ارسم (( نفس الشعور ))
ـ عفوا .الظاهر ما فهمت
ـ لانه الواحد حتى يعيش هيك عيشة ومع هيك جوز وبنت لازم يجن والا مستحيل يكفي حياته .طبعا بألبي ,مين الانتحاري اللي بيقدر يقلها هالكلام وجها لوجه ؟ مش انا.. انا لاستني صغير واحب الحياة.